«Наше время – Безнең заман» эшче яшьләр иҗаты фестиваленә гаризалар кабул итү башланды

Теркәлү 25 нче сентябрьгә кадәр дәвам итәчәк

Фото: Денис Гордийко

(Казан шәһәре KZN.RU, 15 нче сентябрь). «Наше время – Безнең заман» XI еллык ачык республика телевизион фестивалендә катнашу өчен гаризалар кабул итү башланды. 18 яшьтән 35 яшькә кадәрге җитештерү тармаклары, сервис һәм хезмәт күрсәтү өлкәсе оешмалары хезмәткәрләре кушыла ала.

«Музыкаль юнәлеш», «Бию юнәлеше» һәм «Минута славы» номинацияләрендә ялгыз һәм коллектив чыгышлар рөхсәт ителә Иҗади коллектив составына 45 яшькә кадәрге катнашучылар кертелә.

Өч зона сайлап алу этабы Түбән Камада (6-7 нче октябрь), Әлмәттә (13-14 нче октябрь) һәм Казанда (20-21 нче октябрь) узачак. Финал ТР башкаласында 17 нче һәм 18 нче ноябрьдә, ә 20 нче ноябрьдә «Пирамида» мәдәни-күңел ачу комплексында гала-концерт күрсәтеләчәк.

Конкурс барышында Татарстан һәм Россия сәнгать осталарыннан актерлык осталыгы, сәхнә хәрәкәте һәм теле, пластика, хореография, вокал, конферанс буенча мастер-класслар узачак, дип хәбәр итә Татарстан Республикасы Сәнәгать һәм сәүдә министрлыгының матбугат хезмәте.

Катнашу өчен гаризалар 25 нче сентябрьгә кадәр сылтама буенча кабул ителә.

Узган сезонда 185 предприятие, оешма һәм учреждение катнашты, ә үз талантларын 1,6 меңнән артык катнашучы күрсәтте. Фестиваль Татарстанда ТР Рәисе ярдәме белән 2013 елдан бирле үткәрелә һәм ЮНЕСКО эшләре буенча РФ комиссиясе эгидасы астында уза.

Шулай ук укыгыз

Барлык яңалыклар