Казан полициясе җитәкчесе итеп полковник Александр Мищихин билгеләнде

Яңа җитәкчене тәкъдим итеп, Казан Мэры билгеләп үткәнчә, куркынычсызлык шәһәр үсешенең 12 өстенлекле юнәлешләренең берсе булып тора.

(Казан шәһәре KZN.RU, 2-нче апрель, Екатерина Виславская). Полковник Александр Мищихин Россия Эчке эшләр министрлыгының Казан буенча идарәсе җитәкчесенең беренче урынбасары итеп билгеләнде. Шәһәр полициясенең беренче урынбасарын эшлекле дүшәмбедә Казан Мэры Илсур Метшин игълан итте.

Шәһәр башлыгы билгеләп үткәнчә, Александр Мищихин – хәрби баскычны үткән тәҗрибәле белгеч. Үзенең хезмәт юлын ул Россия Эчке эшләр министрлыгының Алабуга районы бүлегендә җинаятьчеләрне эзләү бүлеге хезмәткәре буларак башлый, Алабуга милиция мәктәбендә укыта, хокук саклау органнары системасында җитәкчелек итү тәҗрибәсе бар – Менделеевск, Лениногорск районнарының криминаль полиция җитәкчесе, ә соңгы өч елда Россия Эчке эшләр министрлыгының Лениногорск районы полиция бүлеген җитәкли.

“Куркынычсызлык эшебезнең 12 өстенлекле юнәлешләренең, бишьеллыкка куелган төп бурычларның берсе булып тора. Бу эшкә без бик күп игътибар бирәбез, - дип билгеләп үтте Илсур Метшин. – Александр Васильевичның һөнәри осталыгы аңа яңа урында тиз генә ияләшеп, безнең Казан полициясе белән нәтиҗәле җитәкчелек алып барырга ярдәм итәр дип ышанам”.