WorldSkills Kazan 2019 ачылу һәм ябылу тантаналарына билетларны онлайн-сату башланды

Билетларны worldskills2019.com сайтында сатып алырга мөмкин.

(Казан шәһәре KZN.RU, 31-нче май). WorldSkills Kazan 2019 дөнья чемпионатын ачу һәм ябу тантаналарына билетларны онлайн-сату башланды. Алар ТР башкаласында 22-нче һәм 27-нче августта «Казань Арена» стадионында узачак.

Билетларны worldskills2019.com сайтында сатып алырга мөмкин. Билетлар буенча өстәмә мәгълүматны 8.00 сәгатьтән 20.00 сәгатькә кадәр 8(800)600-62-83 call-үзәк телефоны буенча алып була.

Проект өстендә 2013 елгы Универсиада, 2015 елгы Су спорт төрләре буенча дөнья чемпионаты буенча таныш булган Игорь Крутойның продюсерлык үзәге эшли. Шәһәрлеләргә тәкъдим ителәчәк тамаша киләчәк һәм яшьләрнең аның алдындагы җаваплылыгына багышлана. Танатналы чараларда яңа сәхнә технологияләре һәм эффектлары кулланылачак, дип хәбәр итә WorldSkills Kazan 2019 матбугат хезмәте.

Конкурсантларны бүләкләү тантанасы чараның кульминациясе булачак, аның кысаларында 130-лап бүләк тапшырылачак. Шулай ук чара барышында WorldSkills әләмен киләсе оештыручы-шәһәргә – Шанхайга тапшыру көтелә.

Исегезгә төшерәбез, WorldSkills Kazan 2019 дөнья чемпионаты 22-27 август көннәрендә Казанда узачак. Анда 69 илдән 1500-гә якын конкурсант катнашачак, алар 56 компетенциядә ярышачаклар.

Шулай ук укыгыз

Барлык яңалыклар