Кышка Казанда клумбаларны ылыслы агач ботаклары белән каплаячаклар

Эшләр Татарстан Республикасы Милли китапханәсе бинасы янында, Ирек мәйданында, Әсгать Галимҗанов скверында һәм башка урыннардагы чәчәклекләрдә башкарылган.

Фото: Тышкы төзекләндерү комитеты

(Казан шәһәре KZN.RU, 10 нчы ноябрь). Казанда чәчәк клумбаларын кышка ылыслы агачлар белән каплый башладылар. Бүген «Горводзеленхоз» хезмәткәрләре эшләрне Әсгать Галимҗанов скверында, ТР Милли китапханәсе бинасы янында, Г.Державин һәм А.Бутлеров һәйкәлләре янында, Горький паркында һәм Ирек мәйданында башкарды, дип хәбәр итә шәһәр Башкарма комитетының Тышкы төзекләндерү комитеты.

Ылыслы ботаклар үсемлекләрне салкын һава торышында җилдән, яңгырдан һәм кардан, температура аерымлыгыннан һәм хайваннардан, шулай ук кояш нурларыннан саклаячак.

Шулай ук укыгыз

Барлык яңалыклар