Татарстан Республикасы Иминлек Советы утырышында нефть-газ химиясе комплексын үстерү турында фикер алыштылар

Татарстан Республикасы Иминлек Советы утырышында нефть-газ химиясе комплексын үстерү турында фикер алыштылар

<p> <img src="https://www.kzn.ru/upload/iblock/cce/print_5776187_4187260_870.jpg"><br> </p> <p> (Казан шәһәре KZN.RU, 18-нче октябрь) Бүген Татарстан Республикасы Президенты Рөстәм Миңнеханов рәислегендә Казан Кремлендә Татарстан Республикасы Иминлек Советының чираттагы утырышы узды. </p> <p> Утырышта ТР Дәүләт Киңәшчесе Минтимер Шәймиев, ТР Премьер-министры Алексей Песошин, ТР Дәүләт Советы Рәисе Фәрит Мөхәммәтшин, Казан Мэры Илсур Метшин, республика министрлыклары һәм ведомстволары вәкилләре катнашты. </p> <p> Утырышның төп темасы 2020-2024 елларга Татарстан Республикасы нефть-газ химиясе комплексын үстерү программасы булды. </p> <p> Утырышны ачып, Рөстәм Миңнеханов хәбәр иткәнчә, «республика сәнәгать комплексының тотрыклы эше безгә күп кенә социаль-икътисади бурычларны хәл итәргә мөмкинлек бирә. «Бу максатларында ясалган адымнарның берсе – нефть-газ химиясе комплексын үстерү, - диде Рөстәм Миңнеханов. – Нефть-газ химиясе комплексының алдан үсүе химия һәм нефть химиясе продукциясен барлык тармакларда да куллануга бәйле. Аның төп инструментлары – сәнәгать һәм инфраструктура проектларын гамәлгә ашыруда дәүләт финанславы һәм дәүләт-хосусый партнерлыгы. Бу мәсьәләдә республикада 1999 елдан системалы алым кулланыла».   </p> <p> Татарстан Президенты шулай ук билгеләп үткәнчә, 2015-2019 елларга карата программаны гамәлгә ашыру барышында мотор ягулыкларын, азот ашламаларын, поликарбонат, юу чараларын, синтетик каучукларны һәм шиннарны чыгару артты.      </p> <p> Республика башлыгы сүзләренә караганда, узган биш ел эчендә комплексның барлык тармаклары да динамиканы Россия дәрәҗәсеннән югарырак күрсәткән. Әйтик, Татарстанда нефть чыгару – 10%-ка, нефть эшкәртү-3,2%-ка, Россиядә бу саннар 5,8% һәм 0,6%-ка арткан. Ә менә нефть химиясендә үсеш темплары, резина һәм пластмасса эшләнмәләре җитештерүдә безнең күрсәткечләр Россиядәге уртача күрсәткечләрдән түбән. </p> <p> «Күп кенә тармаклар яңа, гадәти булмаган һәм өлешчә уңайсыз шартларда эшли башлады. Без җайлашырга, үз чишелешләребезне тәкъдим итәргә тиешле базарлар тенденцияләре бар», - дип ассызыклады Р.Миңнеханов. </p> <p> Төп доклад белән «Татнефтехиминвест-холдинг» ачык акционерлык җәмгыяте генераль директоры Рафинат Яруллин чыгыш ясады. Ул яңа карарлар һәм яңа юнәлешләр 2020-2024 елларга Татарстан Республикасының нефть-газ-химия комплексын үстерүнең яңа программасы нигезенә салынуын ассызыклады һәм дөнья икътисады һәм нефть-газ-химия комплексы тармаклары үсешенең иң мөһим тенденцияләре турында сөйләде, дип хәбәр итә ТР Президенты матбугат хезмәте. </p>

2019-10-18T16:25:54+0300