Казан паркларындагы дәресләрдә этләрне өйрәтә башлаячаклар

Шулай ук тренер аджилити буенча мастер-класслар үткәрәчәк

Фото: Денис Гордийко

(Казан шәһәре KZN.RU, 5 нче июнь). Июнь аенда Казан паркларында һәм скверларында этләрне бушлай өйрәтү буенча дәресләр һәм аджилити буенча мастер-класслар планлаштырылган.

Очрашуларда йорт хайваннары хуҗаларына этләрне төп командаларга ничек өйрәтергә һәм аларның урамда үз-үзләрен тоту тәртибен контрольдә ничек тотарга икәнлеге турында сөйләячәкләр. Эт хуҗалары аджилити – махсус киртәләр трассасын үтү буенча мастер-классларга йөри алачак. Дәресләрне этләр тәртибе буенча белгеч Полина Кучеева үткәрә.

Казанның парклар һәм скверлар дирекциясендә хәбәр итүләренчә, барлык күнегүләр 19:00 сәгатьтә этләр йөртү мәйданчыкларында башланачак. Алдан язылу өчен оештыручыларга хәбәр итәргә кирәк: @polina_kazandogs нигы буенча Telegramда Полина Кучеевага язарга була.

База буенча дәресләр 6 нчы июньдә Урицкий исемендәге паркта узачак, 13 нче июньдә – «Крылья Советов» паркында, 20 нче июньдә – Сәетгалиев исемендәге мәдәният йорты янындагы паркта, 27 нче июньдә – «Континент» паркында.

Аджилити буенча мастер-класслар 8 нче июньдә Урицкий исемендәге паркта узачак, 15 нче июньдә – «Крылья Советов» паркында, 22 нче июньдә – Сәетгалиев исемендәге мәдәният йорты янындагы паркта, 29 нчы июньдә – «Континент» паркында.

Шулай ук укыгыз

Барлык яңалыклар