Пациент мәктәбе дәресләрендә казанлылар авыруларны профилактикалау турында беләчәк

Очрашулар октябрьдә 20 нче шәһәр сырхауханәсендә оештырыла.

Фото: Марат Мөгыйнов

(Казан шәһәре KZN.RU, 6 нчы октябрь). Октябрь ахырына кадәр Казанның 20 нче номерлы шәһәр сырхауханәсендә пациент мәктәбе дәресләре узачак. Терапевтлар һәм тар профильле табиблар шәһәрлеләргә төрле авыруларны профилактикалау турында сөйләячәкләр.

10 нчы һәм 17 нче октябрьдә 15:00 сәгатьтән 16:00 сәгатькә кадәр симерү темасына метаболик синдромлы пациентлар өчен дәрес узачак. Очрашуларда табиб-эндокринолог һәм нутрициолог чыгыш ясаячак.

11 нче октябрьдә 10:00 сәгатьтә йөрәк ишемия авыруыннан интегүчеләр өчен дәрес оештырылачак. Очрашуны поликлиниканың табиб-терапевты үткәрәчәк.

12 нче һәм 20 нче октябрьдә 10:00 сәгатьтән 11:00 сәгатькә кадәр диабет белән авыручылар өчен дәрес булачак. Авыруны профилактикалау турында терапевт һәм эндокринолог сөйләячәк.

24 нче октябрьдә 10:00 сәгатьтә очрашу артериаль гипертониягә багышлана. Чарада табиб-терапевт чыгыш ясаячак.

Инсультны профилактикалау мәктәбе дәресләр сериясен тәмамлаячак. Йомгаклау чарасы 25 нче октябрьдә 10:00 сәгатьтә була, аны табиб-терапевт үткәрәчәк, дип хәбәр ителә поликлиника сайтында.

Дәресләргә бару өчен +7(950)329-13-40 телефон номеры буенча теркәлергә кирәк. Очрашулар Академик Сахаров ур., 23 адресы буенча урнашкан поликлиниканың 3 нче конференц-залында узачак.

Шулай ук укыгыз

Барлык яңалыклар