Иске Татар бистәсендәге Юныс мәйданында «Туризм аллеясы» барлыкка киләчәк

Акциядә туристлык индустриясенең 30-дан артык вәкиле катнашачак

Фото: Денис Гордийко

(Казан шәһәре KZN.RU, 28-нче сентябрь, Алена Мирошниченко). 30-нчы сентябрьдә Казанда «Туризм аллеясы»нда агачлар утырту планлаштырыла. Иске Татар бистәсенең Юныс мәйданында кабарынкы миләш спиреясы куаклары барлыкка киләчәк, дип сөйләде бүген Казан башкарма комитетының эшлекле дүшәмбесендә туризмны үстерү комитеты директоры Дарья Санникова.

Акциядә туристлык индустриясенең 30-дан артык вәкиле катнашачак. Чара Казанның тышкы төзекләндерү комитеты һәм «Иске шәһәр» префектурасы ярдәмендә әзерләнгән.

Исегезгә төшерәбез, Казанда Бөтендөнья туризм көненә багышланган берничә чара уза. Шулай итеп, 26-нчы сентябрь көнне шәһәр халкы һәм кунаклары «Шәһәрне атлап үт» проекты кысаларында «Романтик Казан» маршруты буенча интерактив квестка кушылды. Шулай ук бәйрәм атнасы дәвамында кайбер җәмәгать туклануы йортлары, кунакханәләр үз кулланучыларына «Туризм көне» кодлы сүзе буенча 10%-тан 30%-ка кадәр ташламалар бирәчәк.