YouTubeта Казан Мэрының балалар һәм яшьләр өчен 2020 елда эшләнгән эшләр турындагы икенче видеохисабы чыкты

Илсур Метшин яңа балалар бакчалары, мәктәпләр, спорт мәйданчыклары, яшүсмерләр клублары һәм шәһәр яны лагерьларын төзекләндерү турында сөйләде.

Фото: Денис Гордийко

(Казан шәһәре KZN.RU, 2-нче март). Казан шәһәре Мэры Илсур Метшинның 2020 елда балалар бакчалары, мәктәпләр, спорт объектлары төзелеше, яшүсмерләр клубларын һәм шәһәр яны лагерьларын ремонтлау турында сөйләде. Шәһәр башлыгының узган елгы эш нәтиҗәләре турындагы видеосы YouTube-та чыкты.

Мэр сөйләвенчә, бүген Казанда 224 мең бала яши, шуларның 149 меңе – мәктәп укучылары, 75 меңе – мәктәпкәчә яшьтәге балалар. Алар өчен узган ел Татарстан башкаласында федераль программа буенча 9 яңа балалар бакчасы төзелгән, ә бер балалар бакчасы шәхси инвестор ярдәмендә ачылган һәм шәһәргә тапшырылган. Моннан тыш, узган ел 3 яңа мәктәп ачылган.

Мэр ата-аналарның мәктәп туклануын контрольдә тотуына һәм балаларның һәм яшүсмерләрнең иҗади һәм спорт күнекмәләрен үстерү өчен шартларны яхшырту эшенә игътибар итте.

Хәзерге вакытта шәһәрдә 52 яшүсмерләр клубы ремонтланган. Илсур Метшин ассызыклаганча, клублардагы түгәрәкләрнең 82%-ы бушлай. Узган ел шулай ук «Молодежный», «Восток» һәм «Юнитур» балалар сәламәтләндерү лагерьлары төзекләндерелде.

Исегезгә төшерәбез, халык алдында хисаплар уздыруның яңа форматы коронавирус пандемиясе белән бәйле рәвештә кертелде – традицион очрашулардан тыш, өч видеохисап әзерләнгән. Аларның һәркайсы аерым эш юнәлешенә багышланган. Мәсәлән, 24-нче февральдә Казан инфраструктурасын үстерү, юллар, йортлар, социаль өлкәнең аеруча мөһим объектларын төзү һәм ремонтлауга багышланган беренче ролик чыкты.

Һәр казанлы шәһәр хакимияте эше белән таныша һәм шәһәр Мэрының kzn.ru сайтындагы интернет-кабул итү бүлмәсендә үз шәрехләрен калдыра ала.

Шулай ук укыгыз

Барлык яңалыклар