«Зөя белән хозурланып» күргәзмәсендә Казанның өч рәссамының картиналары тәкъдим ителәчәк

Экспозиция 15 нче июльдә Горький һәм Шаляпин музеенда ачыла.

Фото: Денис Гордийко

(Казан шәһәре KZN.RU, 13 нче июль). 15 нче июльдә Горький һәм Шаляпин музеенда «Зөя белән хозурланып» күргәзмәсе ачыла. Экспозициядә Казанның өч рәссамы – Россия һәм Татарстан Рәссамнар берлеге әгъзаларының Зөяне тасвирлаган картиналары күрсәтеләчәк.

Г.Тукай исемендәге Дәүләт премиясе лауреаты (2022 ел) Анатолий Егоровның эшләрендә шәһәрлеләр уңайлы тормыш рәвешен күрә алачак. Рәссам кеше һәм тирәлекнең ничек бергә яраклашып яшәүләрен, ә тормыш якыннарга булган мәхәббәттән башка мөмкин түгеллеген күрсәткән.

Иннокентий Коробцовның әсәрләре казанлыларның игътибарын тарихилыгы белән җәлеп итәчәк – автор картиналарында борынгы храмнар һәм елга киңлекләре сурәтләнгән.

Елена Бондарчук эшләре Зөянең гадәти ландшафтларының матурлыгын ассызыклый.

Күргәзмә 16:00 сәгатьтә ачыла. Аны 15 нче августка кадәр карарга мөмкин. Керү билетлар буенча, дип хәбәр итә ТР Милли музее матбугат хезмәте.