Татарстанда ял көннәрендә сизелерлек явым-төшем көтелми

Татарстанда ял көннәрендә сизелерлек явым-төшем көтелми

<p> Алдагы ике көндә республикада сизелерлек явым-төшем көтелми, дип хәбәр итә ТР Гидрометеорология үзәге. </p> <p> Иртәгә Казанда аязучан болытлы һава булачак. Төнлә һәм иртән аерым районнарда томан булуы ихтимал. Җил-көньяктан, көньяк-көнчыгыштан секундына 4-9 метр тизлектә. Минималь температура төнлә һәм иртән -13..-15 градус, аязганда -17 градуска кадәр. Көндез -9..-11 градуска кадәр җылыта. Сизелерлек явым-төшем көтелми. Юлларда бозлавык сакланачак. </p> <p> 25-26 гыйнварда төнлә һәм иртән республикада һава температурасы -11..-17 градуска кадәр, аязганда -22 градуска кадәр төшәчәк. Көндез, 25 гыйнварда, синоптиклар -8..-13 градус булыр, дип фаразлый. 26 гыйнварда көндез -3..-8 гә кадәр, ә көнчыгышта -11 градуска кадәр җылыта. </p> <p> ТР Гидрометеорология үзәге фаразлавынча, киләсе атна башында, дүшәмбе көнне, төнлә явым-төшемсез һава торышы сакланачак. Термометр баганалары -6..-11 градус, көнчыгышта -17 градуска кадәр күрсәтәчәк. Көндез көнбатыш районнарда кар һәм юеш кар ява, -1..-6 градуска кадәр җылына. </p> <p> 28 гыйнварда төнлә һава температурасы -2..-7 градус, көнчыгышта -11 градус булачак. Көндезге сәгатьләрдә термометр баганалары +1..-4 градуска кадәр күтәреләчәк. Күп районнарда кар һәм юеш кар явачак. Юлларда бозлавык, урыны белән көчле бозлавык вәгъдә итәләр. </p> <p>   </p>

2025-01-24T13:56:00+0300