Ял көннәрендә 634 Казан кешесе мобиль пунктларда диспансеризация узган

Пациентларны 6:00 дан 22:00 гә кадәр кабул итәләр

Бәйрәм ял көннәрендә Казанның 634 кешесе мобиль пунктларда бушлай сәламәтлекне тулы тикшерү узды. 20 һәм 21 нче поликлиникаларга һәм 7 нче хастаханәгә беркетелгән гражданнарны кабул итү 6:00 сәгатьтән 20:00 сәгатькә кадәр алып барыла.

20 нче поликлиниканың мобиль пункты сәүдә үзәгенең парковкасында 10 ноябрьгә кадәр Ю.Фучик урамындагы 90 нчы йорт адресы буенча торачак. «Весна» торак комплексында шәһәр халкын 16—17, 23—24, 30 ноябрьдә һәм 1 декабрьдә кабул итәчәкләр. Диспансеризациягә алдан телефон аша язылырга кирәк: +7(950)329-13-40; +7(843)528-03-20.

21 нче поликлиникага беркетелгән кешеләр 10 ноябрьгә кадәр Кол Гали урамындагы 1 нче йорт янындагы парковкада сәламәтлекләрен тикшерә алачак. 16, 17, 23 һәм 24 ноябрьдә мобиль пункт Ю.Фучик урамындагы 14 нче йорт ишегалдында эшләячәк. 30 ноябрь һәм 1 декабрь көннәрендә шәһәр халкын Габишев урамындагы 32 нче бина адресы буенча урнашкан кибет машина кую урынында кабул итәчәкләр. Язылу өчен +7(952)041-37-77 телефоны буенча шалтыратырга кирәк.

7 нче шәһәр клиник хастаханәсе хезмәткәрләре 113 нче мәктәп янында 10 ноябрьгә кадәр Адоратский урамындагы 36а номерлы йорт адресы буенча кизү торалар. Халыкны исемлек буенча чакырачаклар.

Түләүсез диспансеризация 3 ноябрьдә башланды. Үзегез белән паспорт, мәҗбүри медицина иминияте полисы һәм шәхси хисабыгызның иминият номеры картасын алырга кирәк.

Диспансерлаштыруга терапевт консультациясе, канның гомуми анализы, глюкоза, холестерин дәрәҗәсен тикшерү, яман шеш һәм башка патологияләрне беренчел диагностикалау керә. Табиблар электрокардиограмма, флюорография ясыйлар һәм тизәкне яшерен канга тикшерәләр. Хатын-кызлар өчен өстәмә рәвештә гинеколог, маммологны карау, шулай ук онкоцитологиягә буялыш төшерү оештырыла.

Диспансеризация «Сәламәтлек саклау» милли проекты буенча үткәрелә.

Шулай ук укыгыз

Барлык яңалыклар