Татарстанда ял көннәрендә явым-төшем көтелми

Казанда аязганда минималь температура -17 градус тәшкил итәчәк

Якын көннәрдә Татарстанда явым-төшем көтелми. Һава торышы характеры тыныч булачак. Төнлә һәм иртән, 8 февральдә, температура -12..-17 градуска кадәр төшә, көндез – -5..-10 градус.

Иртәгә Казанда явым-төшемсез алмашынучан болытлы һава сакланачак. Җил 2-7 м/с тизлек белән төньяк-көнчыгыштан килә. Төнлә һәм иртән -13..-15 градус, аязганда -17 градуска кадәр. Көндез термометр баганалары -5..-7 градус күрсәтәчәкләр. Юлларда бозлавык вәгъдә итәләр.

Якшәмбе көнне явым-төшем ихтималы зур түгел. Төнлә -10 нан -15 градуска кадәр суыта, көндез температура -2..-7 градуска кадәр күтәреләчәк.

ТР Гидрометүзәкнең башлангыч фаразы буенча, киләсе атна башында, 10 – 11 февральдә, урыны белән кар һәм юеш кар рәвешендә явым-төшемнәр булырга мөмкин. Синоптиклар төнлә -4..-9 градус, көндез -2..-7 градус вәгъдә итә.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар