Синоптиклар казанлыларга ял көннәрендә җылы һава торышы булачак, дип вәгъдә итә

20-нче апрель көнне шәһәрдә көндез урыны белән бераз яңгыр явачак.

(Казан шәһәре KZN.RU, 19-нчы апрель). 20-нче апрельдә Казанда алмашынучан болытлы һава торышы көтелә, урыны белән кыска вакытлы яңгыр явачак. Төньяктан талгын җил. Һава температурасы төнлә 0 градустан 2 градуска кадәр, көндез исә 8-дән 10 градуска кадәр җылы булачак.

Тулаем республика буенча шимбә көнне урыны белән бераз яңгыр явачак. Төньяк-көнбатыштан, төньяктан талгын җил. Һава температурасы төнлә 0-дән алып минус 5 градуска кадәр, көндез 7-дән плюс 12 градуска кадәр тирбәләчәк.

Якшәмбе көнне Татарстанда явым-төшемнәр көтелми, төнлә һава температурасы минус 2-дән +3 градуска кадәр, көндез исә 9-дан 14 градуска кадәр җылы булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар