Казанга керү урыннарында ЮХИДИ, полиция һәм Росгвардия постлары эше көчәйтелде

Үз-үзен изоляцияләү режимы өйдә булуны күздә тота, урамга гадәттән тыш очракларда чыгарга мөмкин.

(Казан шәһәре KZN.RU, 2-нче апрель). Казанга керү урыннарында ЮХИДИ, полиция һәм Росгвардия хезмәткәрләре кизү торган 14 пост урнаштырылган. Көч ведомстволары хезмәткәрләре автомобильчеләрнең Татарстан территориясендә 30-нчы марттан яңа коронавирус инфекциясе таралуны булдырмау өчен урнаштырылган үз-үзен изоляцияләү режимы кагыйдәләрен үтәвен тикшерәләр.

Исегезгә төшерәбез, үз-үзен изоляцияләү режимы өйдә булуны күздә тота, урамга гадәттән тыш очракларда чыгарга мөмкин. Кичә ТР Хөкүмәте бу чорда хәрәкәт итүгә махсус рөхсәт бирү тәртибен билгеләде.

ТР Министрлар Кабинеты кабул иткән документ рөхсәтнең Татарстан халкына яки республика территориясендә булучыларга махсуслаштырылган сервиста теркәлгән затларга бирелүен күздә тота. Теркәлү бушлай смс-хәбәрләр ярдәмендә башкарыла. Махсус сервиста республиканың 10 меңнән артык кешесе теркәлгән инде. Үз-үзеңне изоляцияләү урынын махсус рөхсәт алып калдырырга мөмкин.

Карар кайбер очракларда, шул исәптән, әгәр гражданин эшчәнлеге туктатылмаган оешмадагы эш урынына (урыннан) килә икән, мондый оешмада хезмәт вазыйфаларын башкара икән, ТР Министрлар Кабинеты раслаган формада эш бирүче документы (белешмәсе) булганда, рөхсәт кәгазен рәсмиләштерергә кирәкми. Йөк ташучының Татарстан Республикасы Министрлар Кабинеты раслаган рәвештә бирелгән белешмәләре булганда, Татарстан Республикасы чикләрендә һәм аннан читкә йөк ташыганда рөхсәт таләп ителми. Шулай ук махсус рөхсәттән башка волонтерлар, Татарстан Республикасы Яшьләр эшләре министрлыгы биргән документы (белешмәсе) булганда, гражданнарның аерым категорияләренә дарулар, азык-төлек һәм иң кирәкле товарлар китерә ала.

Шулай ук эшләргә мәҗбүр булган гражданнар ТР Министрлар Кабинеты раслаган форма буенча эш бирүчедән белешмә алырга тиеш. Үз-үзен изоляцияләү урынын өзлексез эшли торган цикл предприятиеләре, медицина оешмалары, даруханәләр, халыкны азык-төлек продуктлары һәм беренче кирәк-ярак товарлары белән тәэмин итүче оешмалар; кичектергесез ремонт һәм төяү-бушату эшләрен башкаручы оешмалар, шулай ук гадәттән тыш хәлләр шартларында кичектергесез эшләрне башкаручы оешмалар, халыкның тормышын яки яшәү шартларын куркыныч астына куючы башка очракларда калдыра ала. Исегезгә төшерәбез, мондый очракларда рөхсәт таләп ителми, әмма эш бирүченең документының (белешмәсенең) Татарстан Республикасы Министрлар Кабинеты раслаган рәвештә генә булуы кирәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар