Казанда Бауман урамына тест-мобиль киләчәк

Теләгән һәркем ВИЧка экспресс-тест уза һәм профилактика чаралары турында белә алачак.

Фото: Денис Гордийко

(Казан шәһәре KZN.RU, 11-нче ноябрь). 12-нче ноябрьдә казанлылар ВИЧ ка бушлай аноним экспресс-тестлаштыру уза алачак. «Җиңү өчен тест» проектының тест-мобиле Бауман урамына киләчәк.

Үз статусыңны 14:00 сәгатьтән 18:00 сәгатькә кадәр белергә мөмкин булачак, автомобиль сәгать астында урнашачак. Шунда ук проект консультантлары сорауларга җавап бирәчәк һәм ВИЧ йоктыруга китерергә мөмкин булган куркынычлар турында сөйләячәк.

Мондый акцияләр Казанда даими үткәрелә. Шулай итеп, 4-нче һәм 5-нче октябрьдә тестлаштыруны 108 казанлы үткән.

Исегезгә төшерәбез, Россиядә хәзер ВИЧ белән зарарланган миллионнан артык кеше яши. «Җиңү өчен тест» проектының беренче этабы барышында 3 тест-мобиль 216 тапкыр чыккан, бу ел эчендә генә дә 6 меңнән артык кеше тест үткән.

«Җиңү өчен тест» проекты Республика СПИД һәм йогышлы авыруларны профилактикалау һәм аларга каршы көрәш үзәге белән берлектә Президент грантлары фонды акчалары хисабына тормышка ашырыла, дип хәбәр иттеләр «Яңа гасыр» хәйрия оешмасының матбугат хезмәтендә.

Шулай ук укыгыз

Барлык яңалыклар