Бауман урамында бүген ВИЧка бушлай тест уздыруны оештыралар

Табиблар шәһәрлеләрне «Сәгать» монументы янында көтәчәк

Казанда бүген, 30 майда, ВИЧ-инфекциягә бушлай һәм аноним экспресс-тест үткәрәчәкләр. Табиблар Бауман урамында «Сәгать» монументы янында кизү торачак.

Акция 13:00 тән 17:00 гә кадәр узачак. Теләүчеләрне урында социаль хезмәткәр консультацияли, дип хәбәр итә «Яңа гасыр» хәйрия фондының матбугат хезмәте.

Чара ТР Сәламәтлек саклау министрлыгының СПИД һәм йогышлы авырулар белән профилактика һәм көрәш буенча республика үзәге белән берлектә оештырыла.