«Горводзеленхоз» Казан урамнарында 342 комлы әрҗә урнаштырды

«Горводзеленхоз» Казан урамнарында 342 комлы әрҗә урнаштырды

<p> Киләсе кышкы сезонга Казанның Вахитов һәм Идел буе районнары урамнарында гына да бозлавыкка каршы эшкәртү өчен 591 әрҗә ком урнаштырачаклар. Бүгенге көндә «Горводзеленхоз» МУП тресты 342 шундый контейнер урнаштырган. </p> <p> Гомумән алганда, шәһәр подряд оешмаларының юл хезмәтләре тукталышлар янына һәм тротуарлар буена 1200 әрҗә урнаштырачак. Киләсе кышкы чорга 64 мең тонна ком-тоз катнашмасы әзерләнгән, дип хәбәр иттеләр Казанның тышкы төзекләндерү комитетында. </p> <p> Исегезгә төшерәбез, кыш көне шәһәр урамнарын җыештыруга 562 берәмлек махсус техника <a target="_blank" href="https://kzn.ru/meriya/press-tsentr/novosti/v-2025-godu-po-resheniyu-mera-kazani-vdvoe-budet-uvelichen-limit-finansirovaniya-soderzhaniya-goroda/?lang=ta">җәлеп ителәчәк</a>. Карны сигез стационар кар эретү пунктына, шулай ук Тэцевская урамындагы мәйданчыкка чыгарачаклар. Көчле кар яву вакытында вакытлыча туплау пунктларыннан да файдаланачаклар. </p> <p> Элегрәк хәбәр ителгәнчә, «Метроэлектротранс» МУП кышка бозлавыкка каршы 430 капчык материал <a target="_blank" href="https://kzn.ru/meriya/press-tsentr/novosti/k-zime-metroelektrotrans-podgotovil-430-meshkov-protivogololednykh-materialov/">әзерләгән</a>: 273 – киптерелгән һәм иләнгән ком һәм тагын 157 капчык техник тоз. </p> <br> <p>   </p>

2024-11-01T12:31:56+0300