«Хәрәкәттә – бәрәкәт» проектының өченче дәресендә казанлыларны Себер татарлары биюләренә өйрәтәчәкләр

«Хәрәкәттә – бәрәкәт» проектының өченче дәресендә казанлыларны Себер татарлары биюләренә өйрәтәчәкләр

<p> </p> <div class="detail-picture"> <img src="https://kzn.ru/upload/iblock/2dd/2ddcb06f68437fbb3758752ebd893007.jpg"> <p class="detail-picture__caption"> Фото: тел культурасы өлкәсендә милли сәясәтне гамәлгә ашыру бүлеге </p> </div> <p> (Казан шәһәре KZN.RU, 27 нгче июнь). Казанның Кабан күле буенда 29 нчы июньдә быел өченче тапкыр «Хәрәкәттә – бәрәкәт» проекты дәресе узачак. Бу юлы барлык теләүчеләрне Себер татарлары биюенә өйрәтәләр. </p> <p> «Аяк-уен» программасы спектакльдән башланачак. Җанлы музыкаль бизәлеш өчен оста музыкантлар командасы җавап бирә: гитарада һәм бәрмә уен коралларында – Айдар Абдрахимов, татар-башкорт кураенда һәм тальян-хромкада Ильяс Фәрхуллин уйнаячак.  </p> <p> Шулай ук бу кичәдә Себер татарларының халык җырлары да яңгыраячак, аларны җырчы, тальянчы һәм мультимузыкант Айдар Низамов башкарачак.  </p> <p> Мастер-классларны уен форматында профессиональ биючеләр үткәрәчәк. Алар арасында педагог-хореограф, Татарстан Дәүләт җыр һәм бию ансамбленең балет артисты Алия Мөхәммәтгалиева, Татарстан Дәүләт җыр һәм бию ансамбленең экс-артисты, «Яз» халык бию ансамбленең сәнгать җитәкчесе Рафаэль Мустяков һәм башкалар бар.  </p> <p> Дәрес Ш.Мәрҗани урамы ягыннан, Г.Камал театрының парковкасы астында үткәреләчәк. Башлану вакыты 18:00 сәгатькә планлаштырылган, дип хәбәр иттеләр шәһәр Башкарма комитетының тел культурасы өлкәсендә милли сәясәтне гамәлгә ашыру бүлегендә.  </p> <p> «Хәрәкәттә – бәрәкәт» проекты Казан Мэриясе тарафыннан шәһәрнең Парклар һәм скверлар дирекциясе белән берлектә гамәлгә ашырыла. Быел ул тулысынча татар бию төрләрен өйрәнүгә багышлана. Мастер-класслар һәр пәнҗешәмбе көнне 18:00 сәгатьтә Кабан күле яр буенда бушлай уза. </p>

2023-06-27T17:45:50+0300