«Черек күл» паркында узган тренингларда казанлылар борчылу белән эшләү техникасын өйрәнәчәк

Чараларда катнашу теркәлү буенча бушлай.

Фото: Денис Гордийко

(Казан шәһәре KZN.RU, 3 нче октябрь). Казанның «Черек күл» паркында психологлар белән ачык тренинглар һәм лецияләр сериясе дәвам итә. 5 нче октябрьдә узачак чираттагы чарада шәһәрлеләр борчылу белән эш итүдә тәнгә юнәлтелгән психотерапия турында беләчәкләр.

Тренингны психолог Марина Батаршина үткәрәчәк. Дәрестә килүчеләр игътибарны уйлардан тәнгә күчерергә һәм борчылу белән эш итү өчен мөстәкыйль кулланырга мөмкин булган тән техникасын өйрәнәчәк. Чара 18:30 сәгатьтә башлана, керү теркәлү буенча. Үзең белән йога өчен келәм яки пенка алырга кирәк.

Лекцияләр һәм тренинглар шулай ук 7 нче һәм 9 нчы октябрьдә узачак. Җомга көнне Андрей Созник эмоциональ-образлы терапия буенча тренинг үткәрәчәк. Тренингта катнашучылар стресс ситуацияләрен җиңәргә һәм артык борчылуга юл куймаска өйрәнәчәкләр. Теркәлү сылтама буенча, дәрес 18:30 сәгатьтә башлана.

Якшәмбе көнне казанлылар өчен акча һәм психология бәйләнеше турында лекция укыячаклар. Катнашучылар Юлия Лукашенко белән берлектә акчаның нәрсә икәнлеге һәм акча белән бәйле иллюзияләр турында сөйләшәчәкләр. Лекция 13:00 сәгатьтә башлана, теркәлү сылтама буенча.

Чаралар җәйге йортның беренче катында узачак, дип хәбәр итә Казан Башкарма комитетының Парклар һәм скверлар дирекциясе матбугат хезмәте.

Шулай ук укыгыз

Барлык яңалыклар