Казанның транспорт предприятиеләрендә автобусларда җиһазларны алыштыру эшләре алып барыла

Эшләрне 2021 елның 1-нче кварталында тәмамлау планлаштырыла.

Фото: Денис Гордийко

(Казан шәһәре KZN.RU, 24-нче декабрь). Казанның транспорт предприятиеләрендә янгын куркынычсызлыгын тәэмин итү буенча техник эшләр башкарыла. Хәзер автобусларда җиһазларны алыштыралар. Эшләрне 2021 елның 1-нче кварталында тәмамлау планлаштырыла.

Казан автотранспорт предприятиеләренең техник хезмәтләре салоннарда җылыткычларны алыштыра, коммутация блокларында предохранительләр колодокларын, генераторлар, стартерлар, аккумулятор батареяларын алыштыралар, шулай ук пиропатроннар урнаштыралар, дип хәбәр итә Казан Транспорт комитеты. Мәсәлән, ПАТП-2 автобусларында 231 җылыту моторын алмаштырырга, 257 пиропатрон урнаштырырга, электр чыбыкларын (231 кушылма) ремонтларга, өстәмә җиһазлар кушарга кирәк булачак. ПАТП-4-тә салоннарның 126 җылыткычын алыштырыру, 219 пиропатрон урнаштыру, электр чыбыкларын (182 кушылма) ремонтлау планлаштырыла. Шәхси ташучылар автобусларында нигездә салоннарның җылыткычларын һәм җылыткычларның вентиляторларын алыштыру уздырыла, соңгы очракта эшләр 100%-ка башкарылган.

Исегезгә төшерәбез, соңгы вакытта автобусларның янып китү очраклары еш очрау аркасында шәһәрнең барлык транспорт предприятиеләрендә вакыйгаларның килеп чыгу сәбәпләрен ачыклау буенча комиссияләр һәм эш төркемнәре төзелде. Йөртүчеләр составы өчен янгынга каршы куркынычсызлык чаралары һәм янгын сүндерү җайланмалары белән эшләү буенча укыту һәм өстәмә инструктажлар үткәрелде. Участок мастерлары куркынычсызлык техникасы буенча техник хезмәткәрләр белән инструктаж уздырдылар.

Шулай ук укыгыз

Барлык яңалыклар