Казанның Гвардия урамы буенча урнашкан трамвай юлларында рельс звеноларын җыюга керештеләр

Эшләргә бәйле рәвештә, 13-нче октябрь төнлә 4-нче номерлы трамвай һәм 5-нче номерлы троллейбус хәрәкәте туктатылачак.

Фото: «Метроэлектротранс» муниципаль унитар предприятиесе

(Казан шәһәре KZN.RU, 13-нче октябрь). Казанда Вознесение тракты төзелеше программасы буенча урап уза торган трамвай юлын төзекләндерү эшләре дәвам итә. Гвардия урамы буенча урнашкан участокта юлны төзәтү дәвам итә, шпалларны кагу, рельс звеноларын җыю бара. Эшләрне киләсе атнада тәмамлау планлаштырыла.

4-нче номерлы трамвай һәм 5-нче номерлы троллейбусларның хәрәкәте эшләргә бәйле рәвештә, 13-нче октябрь көнне 22:00 сәгатьтә туктатылачак. Хәрәкәтне торгызу 14-нче октябрь 5:00 сәгатьтә планлаштырыла.

Шул ук вакытта шәһәрдә трамвай юлларын агымдагы карап тоту буенча эшләр дәвам итә. Хәзер Копылов урамында 18 шпал алмаштырыла, дип хәбәр итә «Метроэлектротранс» МУП матбугат хезмәте.

Исегезгә төшерәбез, быел беренче этап кысаларында 4 км озынлыктагы Вознесение тракты төзелеше бара. Гвардия урамыннан Җиңү проспектына кадәр участокта һәр якка өч полоса белән 13-17 м киңлектәге юл төзелә. Тиз йөрешле хәрәкәт өчен ике тоннель, өч җир асты һәм бер җир өсте җәяүлеләр кичүе төзү каралган.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар