Рус-Немец Швейцариясе территориясендә балтырганга каршы көрәш акциясе узачак

Шәһәр халкына ябык киемдә килергә киңәш ителә.

Фото: Денис Гордийко

(Казан шәһәре KZN.RU, 19 нчы апрель). 24 нче апрельдә Казанда Рус-Немец Швейцариясе территориясендә #Стопборщевик экологик акциясе узачак. Аңа барлык теләүчеләр дә кушыла ала.

Сосновский балтырганы – күпьеллык зур үсемлек, аның биеклеге дүрт метрга җитә. Чәчәк аткан чорда яфракларыннан актив рәвештә эфир майлары бүленеп чыга, сок кеше тәненә эләккән очракта көчле пешү китереп чыгара. Моннан тыш, ул «Урта Россия флорасының кара китабы»ның чүп һәм куркыныч үләннәре исемлегенә кертелгән, чөнки ул башка үсемлекләрне кысрыклый һәм туфрактан файдалы матдәләрне суыра.

Тышкы төзекләндерү комитетында хәбәр итүләренчә, быел Сосновский балтырганы, башка үсемлекләрне кысрыклап, иртә үсә башлаган. Ул зураеп үсеп китмәсен өчен, аның белән көрәшне хәзер үк башларга кирәк.

24 нче апрельдә узачак акциядә катнашучыларны җыю 11:00 сәгатьтә Бари Галиев ур., 16 адресы буенча планлаштырылган. Шәһәр халкына ябык киемдә килергә киңәш ителә. Җыю өчен кирәкле бөтен инвентарь урында биреләчәк.

Быел чараларны Казансу ярлары буйлап, шулай ук Зәңгәр күлләр территориясендә үткәрергә планлаштыралар.

Исегезгә төшерәбез, узган ел шәһәрдә балтырганга каршы көрәш буенча өч зур акция узды.

Шулай ук укыгыз

Барлык яңалыклар