Казанның 101 нче мәктәбе территориясендә Геройлар аллеясы барлыкка килде

Кадетлар 15 кызыл яфраклы имән утырттылар

101 нче мәктәптә Казанда махсус хәрби операциядә катнашучыларга багышланган яңа Геройлар истәлекле аллеясы барлыкка килде. Акция Ватан өчен гомерләрен биргән сугышчыларның истәлеген мәңгеләштерүгә юнәлдерелгән.

Укучылар белән бергә агачларны һәлак булганнарның туганнары, МХОда катнашучылар һәм җирле депутатлар утыртты. Аллеяны 15 кызыл имән үсентесе бизәде. Һәр агач аерым бер герой исемен йөртә. Һәр үсентегә кадет беркетелгән, ул аны караячак, дип хәбәр иттеләр Казан Мәгариф идарәсендә.

Проектның инициаторы МХО ветераны Игорь Гавецкий булды. Ул шушы мәктәпне тәмамлаган.

Мәктәп укучылары патриотик акцияләрдә актив катнашалар, фронтка ярдәм күрсәтәләр һәм хәрбиләр өчен даими рәвештә гуманитар йөкләр әзерлиләр.