Казанның 93 нче гимназиясе территориясендә Александр Пушкинга һәйкәл ачылачак

Казанның 93 нче гимназиясе территориясендә Александр Пушкинга һәйкәл ачылачак

<p> </p> <div class="detail-picture"> <img src="https://kzn.ru/upload/iblock/bb2/bb24af0448c1ebed35dcb585150e181c.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 17 нче октябрь). Иртәгә Казанның Совет районы 93 нче гимназия территориясендә шагыйрь Александр Пушкинга һәйкәл ачылачак. Монумент янында кечкенә сквер төзекләндерелә, аңа «Пушкин бакчасы» дигән исем биреләчәк. </p> <p> Һәйкәлнең прототибы булып 1956 елда Аракчино бистәсендәге элеккеге 74 нче мәктәп бинасы каршында урнаштырылган бетон композиция тора. Вакыт узу белән ул яраксыз хәлгә килә, шуңа күрә республиканың Рус милли-мәдәни берләшмәсе инициативасы һәм ТР Рәисе ярдәме белән монументны торгызганнар.  </p> <p> Һәйкәлне ачу тантанасында ТР Дәүләт Советы Рәисе Фәрит Мөхәммәтшин, дәүләт хакимияте органнары һәм иҗат берлекләре вәкилләре катнашыр дип планлаштырыла.  </p> <p> Монументны урнаштыру Александр Пушкинның Казанда булуына 190 ел тулуга багышланган һәм 19 нчы октябрьдә (1811 елда Император Царскосельский лицеена нигез салынган көнне) Бөтенроссия лицейчы көнендә узачак.  </p> <p> Исегезгә төшерәбез, 2022 елда 93 нче гимназия рус этномәдәни компоненты булган мәктәпләр өчен ресурс үзәгенә әверелде. Ел саен учреждениедә республика чаралары үткәрелә, алар арасында: мәктәп укучылары өчен «Кирилл-Мефодий яшүсмерләр фәнни укулары» фәнни-гамәли конференциясе, рус теле һәм әдәбияты буенча профильле смена, методистлар, рус теле һәм әдәбияты укытучылары өчен белем бирү семинары һ.б.  </p> <p> Быел 93 нче гимназиягә мәктәп җәмәгатьчелеге инициативасы белән Александр Пушкин исеме бирелде, дип хәбәр итә ТР Мәгариф һәм фән министрлыгы. </p>

2023-10-17T15:57:59+0300