Татарстанга карлы, бозлы яңгырлы һәм көчле җилле циклон якынлаша

Татарстанга карлы, бозлы яңгырлы һәм көчле җилле циклон якынлаша

<p> (Казан шәһәре KZN.RU, 2-нче февраль). Татарстан һәм аның башкаласында киләсе тәүлектә салкын һава саклана. Ләкин инде якшәмбедән республика территориясенә көчле кар, бозлы яңгыр, көчле җил һәм бозлавык белән җылылык килә. </p> <p> Киләсе төндә Казанда болытлы һава көтелә, явым-төшем күзәтелми, көньяктан салмак җил исәчәк. Һаваның минималь температурасы – минус 13-15 градус. 3 февраль көнне көндез болытлы һава саклана. Урыны белән бераз кар явачак. Көньяктан салмак җил исәчәк. Һаваның максималь температурасы минус 5-7 градус тәшкил итәчәк. Юлларда – бозлавык. </p> <p> Республика буенча 3 февраль көнне аязучан болытлы һава фаразлана. Урыны белән бераз кар явачак. Көньяктан төнлә салмак, көндез уртача җил исәчәк. Төнлә минималь температура – минус 12-17, көндез максималь температура 4-9 градус салкын булачак. Юлларда – бозлавык. </p> <p> ТР Гидрометеорология һәм әйләнә-тирә мохитне күзәтү идарәсе хәбәр иткәнчә, Россиянең Европа территориясенә 4-5 февральдә (якшәмбе һәм дүшәмбе) актив циклон якынлашуы сәбәпле, Татарстан Республикасында, көнбатыш районнардан башлап, һава һәм юл шартларының сизелерлек начараюы күзәтелә. Атмосфера фронтлары узганда, кар, юеш кар, бозлы яңгыр һәм яңгыр; буран, бозлавык һәм көчле җил (19-24 м/с) булачак. Һава температурасы +2 градуска кадәр күтәреләчәк. Юлларда бозлавык барлыкка киләчәк, түбәләрдән кар төшәчәк. </p> <p> 3 февральдән 4 февральгә каршы төндә Татарстанда һава температурасы минус 5-10 градус тәшкил итәчәк, якшәмбе көнне көндез максималь температура – минус 1 градустан +4 градуска кадәр. 5 февраль дүшәмбе көнне терекөмеш баганалары +2 һәм минус 3 градус арасында үзгәреп торачак.  </p>

2018-02-02T14:20:34+0300