Казанның Совет районындагы кайбер йортларында яшәүчеләр бер тәүлеккә сусыз калачак

Су Җиңү проспектында һәм Родина урамында бетеп торачак.

(Казан шәһәре KZN.RU, 20-нче декабрь). 21-22 декабрьдә Совет районындагы кайбер йортларда су бетеп торачак. Бу ике суүткәргечне тоташтыру эшләре белән бәйле.

21 декабрь 9.00 сәгатьтән 22 декабрь 12.00 сәгатькә кадәр түбәндәге адреслар буенча су булмаячак: Җиңү пр., 69, 69а, 69/2, 71г, 83 (РКИБ) һәм Родина ур., 37/1, 37/2 адреслары буенча урнашкан шәхси йортларда.

Су тутырылган автоцистерналар кабул ителгән гаризалар буенча урнаштырылачак.

“Водоканал” МУП тудырылган уңайсызлыклар өчен гафу үтенә һәм кирәкле су запасларын алдан кайгыртырга киңәш итә.