Казанда метро станцияләрендә дренаж коеларны чистарталар, плитка һәм яктырткычларны яңарталар

Трамвай юлларында рельсларны алыштыралар һәм планлы-профилактик ремонт үткәрәләр.

Фото: Денис Гордийко

(Казан шәһәре KZN.RU, 8 нче сентябрь). Казан метрополитенында станцияләрне көзге-кышкы чорга әзерләү дәвам итә.

«Метроэлектротранс» МУП юл хуҗалыгы хезмәткәрләре дренаж җайланмаларны, коеларны һәм улакларны чистарта, ишекләрне ремонтлый. «Горки» метро станциясендә дивар плиткасын торгызганнар. «Әмәт» станциясендә инвалид пандусындагы идән плиткасын тулысынча алыштырганнар һәм фасад плиткасын торгызганнар. «Дубравная» станциясендә метрога кергәндә идән тактиль плиткасын алыштырганнар.

Энергетика хезмәте хезмәткәрләре «Җиңү Проспекты» метро станциясендә инвалид пандусларында яктырткычлар өстәделәр һәм «Кәҗә бистәсе» метро станциясендә янган яктырткычларны алыштырдылар. «Авиатөзелеш» метро станциясендә платформада люстраларда утны яңарттылар.

Трамвай юлларында узган атнада юл хуҗалыгы җир транспорты хезмәткәрләре Минск урамындагы 25 метрлы участокта рельс-шпаль рәшәткәне алыштырдылар. Шулай ук биш участокта рельслар алмаштырылды: Тукай урамы буенча, көньяк шәһәр эчендәге магистральдә һәм «Трамвай урамы» тукталышы янында, 103 электр тоташуы эретеп, 217 юл тягасы куелды. Моннан тыш, җыелма стыклар, компенсаторлар һәм стрелка күчермәләре буенча планлы-профилактик ремонт үткәрелде, дип хәбәр итә «Метроэлектротранс» матбугат хезмәте.

Шулай ук укыгыз

Барлык яңалыклар