Казанда узачак карате буенча ярышларга Россиянең 35 төбәгеннән спортчылар киләчәк

Турнир җиңүчесе күчмә «Ак Барс Кубогы»на ия булачак.

(Казан шәһәре KZN.RU, 3-нче апрель). 12-14-нче апрельдә Казанның «Ак Барс» көрәш сараенда «Ак Барс Кубогы» карате буенча Бөтенроссия ярышлары узачак. Аларда Россиянең 35 регионыннан 1500-дән артык спортчы һәм 10 яшьтән һәм аннан да өлкәнрәк яшь категорияләрендә Казахстан командасы катнашачак.

Турнир җиденче тапкыр үткәрелә. Узган ел анда Россиянең 35 төбәгеннән 1700 спортчы һәм Казахстан командасы катнашты, күчмә «Ак Барс Кубогы»н Мәскәү өлкәсе җыелма командасы яулады, икенче урынны Татарстан Республикасы җыелма командасы алды, өченче урынга Самара өлкәсе җыелма командасы ия булды.

Ярышларны ачу тантанасы 13-нче апрельдә «Ак Барс» көрәш сараенда (Фатыйх Әмирхан проспекты, 1г) узачак, башлана – 13.00 сәгатьтә, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар