Киләсе атнада Татарстанда -15 градуска кадәр суыта

Иртәгә Казанда юлларда бозлавык вәгъдә итәләр

Бу ялларда Татарстанда синоптиклар явым-төшемнәрне фаразлый, урыны белән юеш кар явачак. Төнлә һава температурасы -1..-7 градус, республиканың көнчыгышында -12 градус тәшкил итәчәк. Көндез температура фоны күтәрелә башлый, термометр баганалары -5 градустан +1 градуска кадәр күрсәтәчәкләр.

Иртәгә, 18 гыйнварда, Казанда аязучан болытлы һава булачак. Төнлә бераз юеш кар көтелә. Һаваның минималь температурасы -5..-7 градус тәшкил итәчәк. Көндез явым-төшем ихтималы зур түгел. Термометрлар баганаларын 0..-2 градуска кадәр күрсәтәчәкләр. Җил көньяктан һәм көньяк-көнбатыштан 3-8 м/с тизлек белән, урыны-урыны белән 11 м/с ка кадәр җитәчәк. Кайбер районнарда томан булырга мөмкин. Юлларда бозлавык вәгъдә итәләр.

ТР Гидрометүзәгенең якынча фаразы буенча дүшәмбе, 20 гыйнварда, бераз кар явачак. Төнлә -3..-8 градус, көндез -1..-6 градус булачак. Сишәмбе көнне синоптиклар явым-төшемсез һава торышын вәгъдә итә. Төнге сәгатьләрдә -10..-15 градуска кадәр суыта, көндез һава температурасы -6..-11 дәрәҗәсендә булыр дип көтелә.

Шулай ук укыгыз

Барлык яңалыклар