Казанда Җиңү проспектында яңа җир өсте юл кичүен монтажладылар

Казанда Җиңү проспектында яңа җир өсте юл кичүен монтажладылар

<p> </p> <div class="detail-picture"> <img src="https://kzn.ru/upload/iblock/662/662eba0c29a9d6f39e20be174342fcc8.jpg"> <p class="detail-picture__caption"> Фото: Тышкы төзекләндерү комитеты  </p> </div> <p> (Казан шәһәре KZN.RU, 2 нче май). Бүген төнлә Казанда Җиңү проспектында яңа җир өсте юл кичүе монтажланды. Конструкция Зәкиев урамы тирәсендә барлыкка килде. </p> <p> Җир өсте юл кичүен өлешләп алып килделәр һәм фрагментлар белән урнаштырдылар. Ул җылы шахталы һәм антивандаль конструкцияле лифтлар белән җиһазландырылган. Моңа кадәр шундый ук заманча объект Җиңү проспекты белән Минск урамы киселешендә барлыкка килгән иде, дип хәбәр иттеләр Казан Башкарма комитетының Тышкы төзекләндерү комитетында.  </p> <p> Җир өсте юл кичүләре Вознесение тракты төзелеше кысаларында монтажланган. Исегезгә төшерәбез, Гвардия урамыннан Җиңү проспектына кадәр магистральнең беренче участогындагы эшләрне ноябрьдә тәмамларга планлаштыралар. Биредә барлык ясалма корылмалар – өч җир асты җәяүлеләр кичүе, тимер юл юл үткәргече һәм ике тоннель төзелгән.  </p> <p> Параллель рәвештә Җиңү проспектыннан алып 8 км озынлыктагы М7 Волга трассасына кадәр икенче участокта магистраль төзелеше актив бара. Эшләр узган елның мартында башланды. Бу участокта ике җир өстендәге һәм ике җир астындагы җәяүлеләр кичүе, ике юл үткәргеч, Нокса һәм Крутовка елгалары аша күперләр барлыкка киләчәк. Вознесение трактатын төзүне тулы күләмдә 2024 елда тәмамларга планлаштыралар. </p>

2023-05-02T13:18:11+0300