Атна эчендә Казанның ашыгыч ярдәм хезмәтенә 7755 чакыру килгән

1330 тапкыр медикларны җәмәгать урыннарына чакырганнар.

(Казан шәһәре KZN.RU, 3-нче гыйнвар). 24-нче декабрьдән 30-нчы декабрьгә кадәрге атнада Казанның ашыгыч ярдәм хезмәтенә 7755 чакыру килгән, аларның 1330 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 6024 казанлы мөрәҗәгать иткән. Аерым алганда, көчле миокард инфаркты буенча 59 очрак һәм мидәге кан әйләнеше бозылу буенча 175 очрак теркәлгән. Бала табу очраклары уңаеннан табибларга 63 чакыру килгән.

1008 чакыру бәхетсезлек очраклары белән бәйле. Юл-транспорт һәлакәтләре белән бәйле очракларга 51 тапкыр чакыртылганнар, аларда 44 кеше зыян күргән, 19 кеше хастаханәгә озатылган. Янгын очракларына табиблар 26 тапкыр чакыртылган, биредә 3 кеше зыян күргән.

Узган атна белән чагыштырганда, чакырулар саны 353-кә кимегән. Юл-транспорт һәлакәте белән бәйле чакырулар саны 18-гә кимегән. Миокард инфаркты очракларына чакырулар 12-гә арткан, мидәге кан әйләнеше бозула очракларына – 7-гә, янгын очракларына – 5-кә, бала табу очракларына – 8-гә. Җәмәгать урыннарына чакырулар саны 125-кә арткан, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар