«Черек күл» паркында шугалакны ачу тантанасында «Оммаж» төркеме чыгыш ясаячак

Казанлылар прокатка 400 пар тимераякны ала алачак, ә үз тимераяклары белән керүчеләр бушлай шуачак.

Фото: Марат Мөгыйнов

(Казан шәһәре KZN.RU, 28 нче декабрь). Бүген Казанда «Черек күл» паркында боз шугалагы ачылачак. Программада – фигуралы шуучыларның күрсәтмә номерлары, «Оммаж» төркеме, диджейлар Malika һәм Dima Molotov чыгышлары.

Чара 18:00 сәгатьтән 20:30 сәгатькә кадәр дәвам итәчәк. Тулы программаны сылтама буенча карарга мөмкин.

Килүчеләр өчен 400 пар тимераяк әзерләнгән. Аларны прокат пунктында өлкәннәр өчен – сәгатенә 200 сумга, балалар өчен 100 сумга арендага алырга мөмкин. Үзеңнең тимераякларың белән керү бушлай.

Прокат пункты бинасында кофейня һәм китап кибете эшли, анда җылынырга һәм ял итәргә мөмкин, дип хәбәр итә Казан Башкарма комитеты Парклар һәм скверлар дирекциясе.

Исегезгә төшерәбез, бу кышта ТР башкаласында тимераякта шуу өчен 101 урын – 81 хоккей тартмасы һәм прокат пунктлары белән 20 шугалак оештырылачак. Әйтик, «Ракета», «Локомотив» стадионнарында һәм Дубравная урамында шугалак салынган инде. Эш режимы һәм прокат бәясе белән сылтама буенча танышырга мөмкин.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар