KZN.RU порталында метрополитенның икенче линиясе станцияләренә исемнәр сайлау буенча сораштыру тәмамланды

KZN.RU порталында метрополитенның икенче линиясе станцияләренә исемнәр сайлау буенча сораштыру тәмамланды

<div class="detail-picture"> <img src="https://kzn.ru/upload/iblock/6b1/MMB_6610.jpg"> <p class="detail-picture__caption"> Фото: Марат Мөгыйнов </p> </div> <p> (Казан шәһәре KZN.RU, 12 нче февраль). KZN.RU порталында метрополитенның икенче линиясе станцияләренә исемнәр сайлау буенча сораштыру тәмамланды. 7 нче февральдән 11 нче февральгә кадәр үткәрелгән тавыш бирүдә 5414 кеше катнашты. </p> <p> Фучик һәм Зорге урамнары киселешендәге метро станциясе өчен сораштыру нәтиҗәләре буенча катнашучыларның күбесе ТАССРның 100 еллыгы исемен, Фучик һәм Завойский урамнары киселешендәге метро станциясе өчен Академия исемен сайлаган. Фучик урамы һәм Нокса авышлыгы белән Ломжа урамы киселешендәге метро станциясе өчен тәкъдим ителгән вариантлар арасында иң күп тавышны Зилант җыйды, ә «Мега» сәүдә үзәге янындагы метро станциясе өчен – Тулпар. </p> <p> Сораштыруның беренче этабы узган ел булды – ул вакытта теләүчеләр үз вариантларын тәкъдим итә алды. Аннан соң түгәрәк өстәл үткәрелде, анда аларны экспертлар – туган якны өйрәнүчеләр, архитекторлар, культурологлар һәм башка белгечләр тикшерде. Атамаларның иң популяр вариантлары сораштыруның икенче этабына узды. </p> <p> Искәртеп узабыз, Казан метрополитенының икенче линиясе шәһәрнең биш районын тоташтырачак: Идел буе, Совет, Яңа Савин, Мәскәү һәм Киров. 5,37 км озынлыктагы беренче участок үз эченә дүрт станцияне ала. </p>

2022-02-12T09:25:42+0300