KZN.RU порталында «Казан Җиңү көнен бәйрәм итә» бүлеге ачылды

Биредә укучылар чаралар программасы белән таныша, эш режимы һәм җәмәгать транспорты хәрәкәте схемасының үзгәрүе турында белә алачаклар.

(Казан шәһәре KZN.RU, 30-нчы апрель). KZN.RU порталында Җиңү көнен бәйрәм итүгә багышланган махсус бүлек ачылды. Биредә укучылар чаралар программасы белән таныша, эш режимы һәм җәмәгать транспорты хәрәкәте схемасының үзгәрүе турында белә алачаклар. Бүлектә шулай ук кайбер шәһәр юлларының хәрәкәт өчен ябылуы турында мәгълүмат урнаштырылган.

Казанлылар шулай ук ел саен уздырыла торган «Үлемсез полк» акциясенең быел кайсы маршрут буенча һәм ничек узачаклыгы турында да белә алачаклар. Бүлек рубрикасы сораулар һәм җаваплар форматында тәкъдим ителә.

«Казан Җиңү көнен бәйрәм итә» бүлегендә шулай ук яңалыклар тасмасы һәм фоторепортажлар тәкъдим ителә, анда Җиңү көненә багышланган тематик материаллар җыелган. Бүлекнең бер рубрикасы «Аларның исемнәре Казан урамнарына куелган» дип атала. Хәзерге вакытта Казанда Бөек Ватан сугышында катнашкан 92 кешенең исемнәре урамнарга бирелеп мәңгеләштерелде. Тагын 9 урам исеме Бөек Ватан сугышы белән бәйле. Әлеге урамнарны картада күрергә була. Билгеләп үтелгән һәр объектта тиешле мәгълүмат һәм геройның фотосы белән кыска биографиясе бирелгән.

Шулай ук укыгыз

Барлык яңалыклар