РФ дәүләт хезмәтләре порталында су транспортында пассажирлар ташуга лицензия рәсмиләштерү буенча хезмәт пәйда булды

Татарстан халкы рөхсәт кәгазьләрен гадиләштерелгән тәртиптә ала алачак.

Фото: Денис Гордийко

(Казан шәһәре KZN.RU, 18-нче июнь). РФ дәүләт хезмәтләре порталында яңа хезмәт күрсәтү пәйда булды – хәзер Татарстан халкы су транспортында пассажирлар ташуга дистанцион рәвештә лицензия рәсмиләштерә ала. Кертелгән яңалык рөхсәт документларын алу вакытын янга калдырырга мөмкинлек бирәчәк.

Яңа сервисны эшләтеп җибәрү туристик ташулар өлкәсе өчен мөһим – лицензияләүне бу юнәлеш буенча хезмәт күрсәтүче эре һәм зур булмаган компанияләр дә уза. Белгечләр фикеренчә, процедураны гадиләштерү транспорт һәм туристик хезмәтләр күрсәтүне тизләтергә мөмкинлек бирәчәк.

Россия Транспорт министрлыгы мәгълүматлары буенча, соңгы 3 елда мондый эшчәнлекне тормышка ашыруга 1330 лицензия бирелгән һәм яңадан рәсмиләштерелгән, ел саен хезмәт күрсәтүләр өчен 500-дән артык мөрәҗәгать итүче мөрәҗәгать итә. Елына якынча 17 млн кеше эчке су һәм диңгез транспорты белән сәфәр кыла.

2022 ел ахырына кадәр портал аша транспорт өлкәсендә 30-дан артык дәүләт хезмәте күрсәтү планлаштырыла. Алар арасында – ташуга махсус рөхсәт һәм лицензияләр бирү, моряк шәхесе таныклыклары һәм гражданлык һава суднолары экипажлары әгъзаларына таныклыклар бирү, дип хәбәр итә ТР саннар министрлыгының матбугат хезмәте.

Шулай ук укыгыз

Барлык яңалыклар