Зур Казан боҗрасы төзелешенең беренче этабында тротуарларга асфальт җәйделәр һәм вакытлы юл билгеләре ясадылар

Узган атнада эшкә 91 кеше һәм 24 берәмлек махсус техника җәлеп ителде.

(Казан шәһәре KZN.RU, 22-нче июнь). Казанда Мидхәт Булатов урамыннан Борисково урамына кадәр 800 м озынлыктагы участокта Зур Казан боҗрасының беренче этабын төзү дәвам итә. Үткән атнада юлүткәргечтә гомуми мәйданы 1110 кв.м булган трамвай кичүенең пролет төзелешендә ныгытылган бетоннан саклык катлавы салынды.

Узган атнада төзүчеләр шулай ук җир өсте җәяүлеләр кичүенең урта пролетын монтажладылар, 735 куб.м күләмендә ком һәм 448 куб.м күләмендә таштан юл полотносының түшәлгән катламын салдылар һәм 716 кв.м мәйданлы тротуарларга асфальт түшәделәр.

Моннан тыш, участокта юлүткәргеч астында һәм Ферма шоссесыннан Борисково урамына кадәр сул съезд буенча вакытлыча схемага нигезләнеп хәрәкәт җибәрү өчен әзерлек эшләре төгәлләнде. Шулай ук объектта тышкы яктырту , троллейбус, светофорлар өчен контакт челтәре баганалары һәм юл билгеләре урнаштырылган һәм тоташтырылган, вакытлы юл тамгалары ясалган. Газоннар һәм су сиптерү системасын урнаштыру дәвам итә.

Зур Казан боҗрасының беренче этабы төзелешендә узган атнада 24 махсус техника һәм 91 кеше катнашкан иде, дип хәбәр итә ТР Транспорт һәм юл хуҗалыгы министрлыгы матбугат хезмәте.

Исегезгә төшерәбез, Зур Казан боҗрасының беренче этабында 2019 елның июлендә Мидхәт Булатов урамыннан Борисково урамына кадәр төзелеш башланып китте, анда Ферма шоссесы өстеннән юлүткәргеч һәм җир асты кичүе белән 800 м озынлыктагы дүрт полосалы юл төзелә. Борисково урамыннан Техника урамына кадәрге участокта төзелешнең икенче этабы мартта башланды. Участокның озынлыгы 1,22 чакрым тәшкил итә. Дүрт полосалы юл һәр юнәлештә ике полоса белән беренче класслы гомумшәһәр әһәмиятендәге магистраль урам категориясе буенча проектланган. 700 м озынлыктагы участокны 2020 елда, ә 522 м озынлыктагы участокны 2021 елда кулланылышка кертү планлаштырыла.

Шулай ук укыгыз

Барлык яңалыклар