Казан Мэриясенең «ВКонтакте» паблигына 100 меңнән артык кеше язылган

Шәһәр халкы биш социаль челтәрдә һәм «Яндекс.Дзен» каналында яңалыкларны күзәтеп бара ала.

(Казан шәһәре KZN.RU, 20-нче июнь). Казан Мэриясенең «ВКонтакте» социаль челтәрендә рәсми пабликка язылучылар саны 100 000 кешегә җиткән.

Пабликта шәһәр тормышындагы мөһим яңалыклар белән танышырга, актуаль сорауларга җавап алырга, кызыклы шәһәр проектлары һәм шәһәр хуҗалыгы өлкәсендәге проблемалар турында белергә була. «#знаетеливы», «#поулицамКазани», «#ИзвестнаяНеизвестнаяКазань», «#kzn_делобылотак» кебек даими рубрикаларда казанлылар шәһәрнең таныш булмаган почмаклары белән таныша, биналарның тарихы һәм исемнәре урам атамаларында мәңгеләштерелгән шәхесләр турында күбрәк белә алалар.

Халыкка уңайлы булсын өчен, «Вконтакте»дан тыш Казан Мэриясе барлык төп социаль челтәрләрдә дә тәкъдим ителгән: «Одноклассники», «Фейсбук», «Инстаграм», «Твиттер». Шулай итеп, халык шәһәр яңалыкларын үзләренә уңайлы булган мәйданчыкларда күзәтә ала.

Моннан тыш «Яндекс.Дзен»да KZN.RU каналы эшли башлады. Хәбәрләр сезнең тасмада күрсәтелсен өчен, «Дзен»да канал сәхифәсенә керергә һәм «язылырга» тамгасыга басарга кирәк.

Исегезгә төшерәбез, узган ел рәсми аккаунтлар Tagline Awards бүләге белән билгеләп үтелде – бу интерактив проектлар һәм диджитал-өлкәдәге казанышлар өчен Россиянең иң югары бүләге. Ә 2019 елда «#ЖивувКазани: Мэрия Казани в социальных медиа» проекты «Ел матбугат хезмәте» ачык халыкара конкурсында беренче урынны алды.

Шулай ук укыгыз

Барлык яңалыклар