«Черек күл» паркындагы шугалак ачылышында M’Dee һәм Казан музыка төркемнәре чыгыш ясаячак

27-нче декабрьгә кадәр боз мәйданчыгы тест режимында эшли.

Фото: Денис Гордийко

(Казан шәһәре KZN.RU, 24-нче декабрь). Казанда 27-нче декабрь көнне «Черек күл» паркында бәйрәм чарасы узачак. Боз мәйданчыгы үзәгендә урнаштырылган сәхнәдә «Оммаж» Казан төркеме, DJ Timur Ptahin чыгыш ясаячак, ә кичнең хедлайнеры M’Dee тәхәллүсе астында танылган Мади Токтаров булачак. Бу танылган башкаручы, Казахстаннан җырлар авторы һәм саунд-продюсер, казанлылар өчен ул инде танылган хитларын да, үзенең яңа альбомындагы җырларын да башкарачак.

Рәсми ачылу көнендә шугалакка килүчеләргә бүләкләр тапшырачаклар һәм аларны якынлашып килүче Яңа ел белән котлаячаклар. Моннан тыш, бәйрәмгә кышның төп тылсымчысы – Кыш бабай һәм Кар кызы да киләчәк.

Ачылу көнендә бәйрәм программасы 18:00 сәгатьтән 21:00 сәгатькә кадәр дәвам итәчәк. Бозга керү бушлай, тимераяклары булмаганнар прокаттан файдалана ала. Теләүчеләр концертны парк амфитеатрыннан тамаша кыла алачак.

Шугалак эш көннәрендә 12:00 сәгатьтән 22:00 сәгатькә кадәр эшләячәк, ял көннәрендә – 10:00 сәгатьтән 23:00 сәгатькә кадәр, техник тәнәфес – 15:00 сәгатьтән 16:00 сәгатькә кадәр, дип хәбәр итә Парклар һәм скверлар дирекциясе.

Дүшәмбегә кадәр шугалак тест режимында эшли: 24-нче декабрьдә – 22:00 сәгатькә, 25-нче декабрьдә – 10:00 сәгатьтән 23:00 сәгатькә кадәр, техник тәнәфес – 15:00 сәгатьтән 16:00 сәгатькә кадәр, 26-нчы декабрьдә – 10:00 сәгатьтән 17:00 сәгатькә кадәр. Инвентарьне шугалакны ябуга бер сәгать кала бирүдән туктыйлар. Прокатның зур бинасында 450 пар тимераяк бар.

Шулай ук укыгыз

Барлык яңалыклар