Орнитологик экскурсиядә казанлыларга Рус-Алман Швейцариясендә яшәүчеләр турында сөйләячәкләр

Йөреп кайтуга теркәлү бүген 17:00 сәгатьтә ачылачак

Якшәмбе, 2 февральдә, Рус-Алман Швейцариясе территориясе буенча кышкы орнитологик экскурсия уздырачаклар. Очрашуда катнашучыларга тыюлык атамасының килеп чыгышы һәм урман массивында яшәүчеләр турында сөйләячәкләр.

Аны фотограф-натуралист һәм орнитолог Сергей Неклюдов алып барачак. Шәһәр халкы кышкы кошлар белән танышачак һәм аларның каурыйлары ничек үзгәрүен беләчәк. Экскурсияне рус ишарәләр теленә тәрҗемә итәчәкләр, дип хәбәр иттеләр парклар һәм скверлар дирекциясендә.

Чара 9:00 сәгатьтә Барый Галиев ур., 16 адресы буенча башлана. Катнашу өчен сылтама буенча теркәлергә кирәк. Язылу бүген 17:00 дә ачылачак.

Оештыручылар җылы киемдә һәм бинокльләр алып килергә киңәш итә.

Шулай ук укыгыз

Барлык яңалыклар