Казанда узачак Open Space Market та бушлай мастер-класслар үткәрәчәкләр

Шәһәрлеләрне йомшак уенчыклар тегәргә, беләзекләр үрергә һәм балчыктан эшләнмәләр ясарга өйрәтәчәкләр.

Фото: «Игелекле эшләр көне» хәйрия фонды матбугат хезмәте

(Казан шәһәре KZN.RU, 23-нче март). 28-нче март көнне «Казан ярминкәсе» күргәзмә үзәгендә Open Space Market та бушлай мастер-класслар узачак. Теләгән һәркем якыннарына бүләкләр әзерли алачак.

Шулай итеп, 11.30 сәгатьтә әвәләү буенча балчык белән плиткага сурәт төшерү һәм кәрзин үрү буенча дәресләр башлана. 13.00 сәгатьтә керамик бизәнү әйберләре ясау һәм алтын җепләр белән кулдан чигү буенча дәресләр узачак. 14.30 сәгатьтә тиредән чәчәкләр ясау һәм балчыктан эшләнмәләр ясау буенча дәресләр башлана, ә 16.00 дә кунакларга шәм ясау һәм тиредән беләзекләр эшләү турында сөйләячәкләр. 17.30 сәгатьтә осталар агачны сәнгатьчә эшкәртү серләре белән уртаклашачак, шул ук вакытта йомшак уенчыклар ясау буенча мастер-класс башланачак.

Барлык дәресләр Казан ярминкәсенең төп бинасында Open Space Market фестивале мәйданчыгында «Изге эшләр көне» хәйрия фонды остаханәсендә узачак. Катнашу өчен алдан язылу сорала: +7(843)225-80-69. Урыннар саны чикләнгән, дип хәбәр итә оештыручылар.

Open Space Market 27-28-нче март көннәрендә узачак. Фестивальдә дизайнер киеме, гадәти булмаган бүләкләр күрсәтеләчәк, шулай ук лекторияләр эшләячәк.

Шулай ук укыгыз

Барлык яңалыклар