Open Space Marketта казанлылар мохтаҗларга кием-салым һәм аяк киемнәрен тапшыра алачак

Хәйрия акциясен «Игелекле эшләр көне» фонды уздыра.

Фото: «Игелекле эшләр көне» хәйрия фонды

(Казан шәһәре KZN.RU, 25-нче март). 27-нче һәм 28-нче март көннәрендә «Казан ярминкәсе» күргәзмә үзәгендә авыр тормыш хәленә эләккән кешеләр өчен кием-салым, аяк киеме һәм көнкүреш техникасы җыю буенча хәйрия акциясе узачак.

Күргәзмә үзәге территориясендә «Яхшы куллар» проекты кысаларында «Игелекле эшләр көне» фонды урнаштырачак әйберләрне кабул итү пункты 27-нче һәм 28-нче март көннәрендә Оренбург тракты, 8 адресы буенча 11.00 сәгатьтән 21.00 сәгатькә кадәр эшләячәк («Казан ярминкәсе» күргәзмә үзәге, шпильле төп бина, 6-нчы павильон). Барлык әйберләр дә чиста һәм яхшы хәлдә булырга тиеш.

Исегезгә төшерәбез, «Яхшы куллар» хәйрия склады – Россиядә элек кулланылган әйберләрне кабул итү, эшкәртү һәм бүлү буенча даими эшләүче иң эре пунктларның берсе. Склад кием-салым, көнкүреш техникасы, балалар инвентаре (коляскалар, караватлар), инвалидлар өчен җайланмалар (ходункилар, инвалидлар өчен кәнәфиләр), озак саклана торган азык-төлек, китаплар кабул итә. Ел саен складта 12 меңгә якын кеше бушлай кием-салым, аяк киеме, көнкүреш техникасы һәм башка кирәк-яраклар ала.

Казанда «Яхшы куллар» складының өч пункты эшли: Восстание урамы, 59, Пушкин урамы, 24/26 һәм Калинин урамы, 3. Соңгы адрес буенча әйберләр бирү дә башкарыла. Өстәмә фонд әйберләр кабул итү буенча күчмә акцияләр үткәрә.

Аз керемле гаиләләрдән булган балаларга киемнәр һәм аяк киемнәре җыюны шулай ук «Альпари» хәйрия фонды оештыра. Әйберләрне түбәндәге адрес буенча тапшырырга була: Калинин урамы, 48 көн саен 9.00 сәгатьтән 16.00 сәгатькә кадәр (төшке ашка тәнәфес 12.00 сәгатьтән 13.00 сәгатькә кадәр).

Моннан тыш, 28-нче март көнне «Изге эшләр көне» фонды һәм ТР һөнәрчелек палатасы барлык теләүчеләр өчен балчыктан эшләнмәләр, бизәкләр ясау, талдан үрү, керамик бизәнү әйберләре ясау, чигү буенча хәйрия мастер-класслары уздырачак.

Шулай ук укыгыз

Барлык яңалыклар