Казан – Канаш поездының җәдвәле бер көнгә үзгәрәчәк

ТР башкаласындагы станциядән электричка 9 минутка соңрак китәчәк.

Фото: Марат Мөгыйнов

(Казан шәһәре KZN.RU, 14 нче апрель). 15 нче апрельдә техник сәбәпләр аркасында Казан – Канаш юнәлеше буенча 6357 нче шәһәр яны поездының хәрәкәт җәдвәле үзгәрәчәк.

Казан станциясеннән поезд 9 минутка соңрак – 17:50 сәгатьтә китәчәк. Алга таба үзгәрешләр Шоркистры станциясенә кадәр бару юлында барлык тукталыш пунктларына кагылачак, аннан состав гамәлдәге җәдвәл буенча хәрәкәт итәчәк.

Барлык маршрутлар буенча тулы мәгълүмат белән шәһәр яны пассажирлар компаниясе сайтында, «Россия тимер юллары – пассажирларга» мобиль кушымтасында, шулай ук +7(937)625-04-33 телефоны буенча танышырга мөмкин.

Шулай ук укыгыз

Барлык яңалыклар