Бер көнгә «Яхшы куллар» хәйрия склады мохтаҗларга әйберләр бирүне туктатачак

Шулай ук Ямашев проспектындагы сәүдә-күңел ачу комплексында урнашкан кечкенә габаритлы әйберләр өчен контейнерның урыны үзгәрде.

Фото: Марат Мөгыйнов

(Казан шәһәре KZN.RU, 21 нче март). 22 нче мартта «Яхшы куллар» хәйрия складында (Калинин урамы, 3) мохтаҗлар өчен әйберләр кабул ителәчәк, әмма тарату туктатылып торачак. Бу көнне ул 10:00 дән 18:00 гә кадәр эшләячәк.

Башка көннәрдә складта килүчеләрне гадәти расписание буенча кабул итәчәкләр: эш көннәрендә – 10:00 дән 18:00 гә кадәр, шимбә көнне – 10:00 дән 14:00 гә кадәр.

Шулай ук «Парк Хаус» сәүдә комплексында (Х.Ямашев проспекты, 46/33) кече габаритлы әйберләр өчен контейнерның урнашу урыны үзгәрде. Хәзер ул галерея янында, азык-төлек кибете янында торачак, дип хәбәр итә «Игелекле эшләр көне» фондының матбугат хезмәте. Контейнерда әйберләрне көн саен 10:00 дән 22:00 гә кадәр калдырырга мөмкин.

«Яхшы куллар» пунктлары адреслары, эш графигы, әйберләрне кабул итү-тапшыру кагыйдәләре турында тулырак мәгълүматны сайтта табып була.

Шулай ук укыгыз

Барлык яңалыклар