Кабан күле яр буенда җәйге сезонда 300 гә якын чара уздырылган

Кабан күле яр буенда җәйге сезонда 300 гә якын чара уздырылган

<p> </p> <div class="detail-picture"> <img src="https://kzn.ru/upload/iblock/5c4/5c44c6b77e9eae408d5ce558671a3344.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 25 нче сентябрь, Диана Жиленкова). Тәмамланган җәйге сезонда Казан паркларында һәм скверларында 1,2 мең бушлай чара уздырылды. 330 меңнән артык кеше «Казан» гаилә үзәгенең күзәтү мәйданчыгында булды. Аппарат киңәшмәсендә узган чаралар турында шәһәрнең Парклар һәм скверлары дирекциясе җитәкчесе Айгөл Латыйпова искә төшерде.<br> <p> </p> <h3> <p> «Шәһәр бакчачысы мәктәбе», лекцияләр һәм инклюзив чаралар </p> </h3> <p> Айгөл Латыйпова сөйләвенчә, «Казан» гаилә үзәгенең күзәтү мәйданчыгы узган җәйге сезонда иң популяр урыннарның берсе булган – анда 330 меңнән артык кеше булган. «Казан – уч төбендәге шәһәр» аудиогиды кунакларны ТР башкаласы тарихы һәм аның истәлекле урыннары белән кош очышы биеклегеннән таныштырган. </p> <p> Паркларда һәм скверлардагы вакыйгаларның бер өлеше сәламәтлек мөмкинлекләре чикләнгән кешеләр өчен яраклаштырылган иде. Алар арасында: ишетмәүчеләр һәм начар ишетүчеләр өчен хайкинг, тифлокомментатор һәм сурдотәрҗемәче катнашында кино күрсәтүләр һәм спектакльләр, инклюзия турында лекцияләр сериясе һәм Петербург инклюзив оркестры чыгышы булды. </p> <p> «Черек күл» паркында фән, мәгариф, психология һәм сәнгать турында 111 лекция, очрашу һәм дискуссия уздырылды. Мәгариф программасының хедлайнеры булып Мәскәүнең Setters агентлыгыннан Александра Жаркова тора. Ә беренче парк интеллектуаль турнирында «Что? Где? Когда?» уенчысы Дмитрий Авдеенко катнашты. </p> <p> <img src="https://kzn.ru/upload/iblock/f6c/f6c8188f77e98bddbc6bae52d165d412.jpg" class="img-left"> <br> </p> <p> Ачык турнирлар һәм бер үк вакытта башкарылган шахмат уены сеанслары сериясе 330 дан артык катнашучыны берләштерде. Казан марафонына әзерлек кысаларында 30 йөгерү күнегүләре үткәрелде. Ә «Ак чәчәкләр» бульварында УНИКС баскетбол клубы белән берлектә баскетбол буенча 11 ачык дәрес оештырдылар. </p> <p> «Яшәү яме» проектында катнашучылар өчен 60 чара әзерләнгән, шул исәптән хор түгәрәкләрендә һәм финанс грамоталылыгы буенча дәресләр, шахмат турнирлары һәм бию күнекмәләре. </p> <p> Паркларда «Лапа дружбы» хәйрия акцияләрендә йортсыз хайваннар өчен приюттагы 16 эт яңа хуҗа тапкан, 500 килограммнан артык азык җыелган. Шул ук вакытта эт тотучылар һәм аларның йорт хайваннары өчен ачык күнегүләр сериясе дә булды. </p> <p> «Ак чәчәкләр» бульварында «Шәһәр бакчачысы мәктәбе» эшли башлады – 22 катнашучы паркта үсемлекләрне карау үзенчәлекләрен өйрәнде. Җәмәгать бакчасы берьюлы Горки-Әмәт урманында һәм Салават Күпере торак районы паркында барлыкка килде. </p> <h3> <p> Шәһәр һәм Республика көнен Кабан яр буенда 40 мең кеше билгеләп үтте </p> </h3> <p> Горький исемендәге паркта «Итиль» Идел буе халыкларының яңа этник мәдәнияте фестивале 20 меңнән артык тамашачыны җыйды. Шул ук мәйданчыкта төнге гастромаркет эшли башлады, анда 10 меңнән артык кеше кунак булган. </p> <p> Кабан күле яр буе 288 чара уздырды. Сулык янында хор түгәрәге, тел клублары эшли, орнитологлар һәм философлар белән йөрүләр, тиз танышу кичәләре, бию дәресләре, спорт күнекмәләре һәм кино күрсәтүләр уза. Шәһәр һәм Республика көнендә мәйданчык 40 мең кешене җыйды. Яр буенда беренче тапкыр күренекле татар җырчысы Илһам Шакиров иҗатына багышланган концерт узды. </p> <p> <img src="https://kzn.ru/upload/iblock/e95/e95c01ebab16a0b652f2eac21222abe1.jpg" class="img-left"> <br> </p> <p> «2023 елның җәе паркларда чыгыш ясаучы музыкантлар саны буенча рекордлы булды. Сезон дәвамында без «нееет, ты что», «Свидание», Settlers һәм «Директор всего» музыкантлары, Сюзанна һәм Минаева катнашында алты концерт үткәрдек», – дип уртаклашты Айгөл Латыйпова. </p> <p> 50 дән артык кеше «Паркларда Stand Up» проектында катнашырга карар кылды. Финалга сигез комик чыкты, алар Горки-Әмәт урманы сәхнәсендә мең тамашачы алдында чыгыш ясады. </p> <h3> <p> «Шәһәрле-галим» шәһәр лабораториясе активына 350 кеше кушылган </p> </h3> <p> Салават Күпере торак районы паркы остаханәсендә 337 сәгать балалар өчен үсеш дәресләре үткәрелде. Җәмәгать киңлегендә шулай ук йога һәм йөгерү белән шөгыльләнгәннәр, кино күрсәткәннәр, биергә өйрәткәннәр, памп-тректа күнегүләр ясаганнар һәм эт тотучылар очрашкан. </p> <p> «Шәһәрле-галим» шәһәр лабораториясе 350 катнашучыны җыйды, алар экологик юнәлештәге 12 чарада катнаштылар. Казансу үзәне буйлап берьюлы ике экосплав ясалды, 30 капчык чүп-чар һәм автомобиль тәгәрмәчләре җыелды. Елга яр буенда икенчел чималдан җиһазлар – киенү өчен кабиналар һәм шахмат уйнау өчен өстәлләр урнаштырылган. </p> <p> <img src="https://kzn.ru/upload/iblock/e5d/e5dcaea92a99614c6d46dd2b2dabf09b.jpg" class="img-left"> <br> </p> <p> Бауман урамындагы урам музыкантлары фестивале 30 башкаручыны берләштерде. Бу шәһәргә яңа исемнәр ачу мөмкинлеге бирде, ә аларның кайберләре карьера баскычы буенча югарыга менә алда. </p> <p> «Без Мэриянең бөтен социаль блогына, район администрацияләренә, Туризмны үстерү комитетына, Кадрлар сәясәте идарәсенә һәм башка күпсанлы партнерларга үз чараларына саф һава һәм ачык киңлекләр сайлаганнары өчен рәхмәт белдерәбез. Казан буенча Эчке эшләр министрлыгына, шәһәрнең ГАИ һәм Гадәттән тыш хәлләр министрлыгына шундый күп санлы чараларга зур ярдәм күрсәткәне өчен рәхмәтлебез», – дип нәтиҗә ясады Айгөл Латыйпова. </p> <p> <i>Фото: Парклар һәм скверлар дирекциясе</i> </p>

2023-09-25T15:09:00+0300