Бүген Кабан күле буенда казанлылар татар биюенең яңа элементларын өйрәнәчәк

Бүген Кабан күле буенда казанлылар татар биюенең яңа элементларын өйрәнәчәк

<p> Кабан күле буенда бүген, 3 июльдә, «Хәрәкәттә – бәрәкәт» проектының чираттагы дәресе булачак. Катнашучылар татар биюендә аякларның вак һәм тиз хәрәкәтләрен өйрәнәчәк. </p> <p> «Биюче, әйтерсең, бер хәрәкәттән икенчесенә салмак кына күчеп, орнамент ясый. Бу һәм башка хәрәкәтләрне сез чара вакытында өйрәнә алачаксыз», – дип хәбәр иттеләр шәһәрнең парклар һәм скверлар дирекциясендә. </p> <p> Кичәнең программасына шулай ук халык уен коралларының җанлы яңгырашы, чакырылган артистларның тамашачылар белән бергә импровизациясе, фольклор уеннары, конкурслар һәм массакүләм биюләр керә. </p> <p> Кичәне Алсу Мәгъсүмҗанова һәм Илфак Хафизов алып барачак. Хореографлар сыйфатында Владислав Уткин һәм Рафаэль Мустяков чыгыш ясаячак. Музыка өчен Айдар Абдрахимов, Динә Барвиш һәм Айбулат Харисов җавап бирәчәк. </p> <p> Шәһәрлеләрне 18:00 сәгатьтә Шиһабетдин Мәрҗани урамы ягыннан Г.Камал исемендәге театр янындагы төшү юлы белән янәшә көтәчәкләр. </p> <p> Элегрәк хәбәр ителгәнчә, бию проектының юбилее уңаеннан Казанда «Бию көрәше» дип аталган бию турниры <a target="_blank" href="https://kzn.ru/meriya/press-tsentr/novosti/biyu-k-r-she-v-kazani-sostoitsya-turnir-tatarskogo-tantsa-sredi-neprofessionalnykh-tantsorov/?lang=ta">узачак</a>. Анда профессиональ булмаган татар биюен башкаручылар көч сынашачак. Турнир финалы 28 августта Г.Камал исемендәге театр каршында узачак. </p>

2025-07-03T10:47:06+0300