Кабан күле яры буенда «Хәрәкәттә – бәрәкәт» проекты кысаларында перформанс күрсәтәчәкләр

Кабан күле яры буенда «Хәрәкәттә – бәрәкәт» проекты кысаларында перформанс күрсәтәчәкләр

<p> Бүген Кабан күле яры буенда «Хәрәкәттә – бәрәкәт» проектының чираттагы шөгыле уза. Программада җырлы-биюле перформанс һәм «Кара-каршы» уены. </p> <p> Кичә халык уен коралларының моңлы яңгырашы һәм хореографик импровизациядән башланып, әкрен генә бию ярышы, тамашачылардан оештырылган команда һәм проект катнашучылары арасындагы батлга әвереләчәк. </p> <p> Кичәнең алып баручылары – Алсу Мәгъсүмҗанова һәм Илфак Хафизов. Музыка өчен Ильяс Фәрхуллин, Айдар Абдрахимов һәм Айдар Ниязов җаваплы. Хореограф буларак, Алия Мөхәммәтгалиева һәм Рафаэль Мустюков чыгыш ясаячак </p> <p> Шәһәр халкын 18:00 сәгатьтә, Шиһабетдин Мәрҗани урамы ягыннан Г.Камал исемендәге театр янындагы төшү юлы белән янәшә көтәчәкләр. </p> <p> Исегезгә төшерәбез, «Хәрәкәттә – бәрәкәт» проекты дәресләре җәй буе, атнаның һәр пәнҗешәмбесендә булачак. </p>

2024-07-04T14:22:00+0300