Узган атнада казанлылар табибларны бәхетсезлек очракларына 774 тапкыр чакырткан.

22-нче февральдән 28-нче февральгә кадәр ашыгыч ярдәм хезмәте 7448 чакыру үтәгән.

Фото: Денис Гордийко

(Казан шәһәре KZN.RU, 1-нче март). Бер атна эчендә, 22-28-нче февраль көннәрендә, Казанның ашыгыч ярдәм бригадалары 7448 чакыру үтәгән.

Еш кына казанлылар авырулар вакытында ярдәмгә мохтаҗ булган –авырулар янына 6594 чыгу нәкъ менә шул уңайдан башкарылган. Шулардан 159-ы баш мие кан әйләнешенең кискен бозылуы сәбәпле, ә 41-е – көчле миокард инфарктлары.

Бәхетсезлек очракларына медиклар 774 тапкыр чыккан, аларның 27-се – юл-транспорт һәлакәте аркасында, 22 кеше зыян күргән, 7-се дәвалау учреждениеләренә озатылган. Янгыннарга ашыгыч ярдәм 16 тапкыр чакыртылган, 2 кеше зыян күргән. Үлем белән тәмамланган очраклар булмый калган.

Иҗтимагый урыннарга медикларны 876 тапкыр чакыртканнар, ә бу алдагы атнага караганда 197-гә кимрәк. Бала табу очракларына табиблар 80 тапкыр чыккан – бер атна элек белән чагыштырганда 4 тапкыр күбрәк.

Алдагы атна белән чагыштырганда, үтәлгән чакырулар саны авырулар һәм бәхетсезлек очраклары исәбенә 76 тапкырга кимегән. Моннан тыш, юл-транспорт һәлакәтләре буенча мөрәҗәгатьләр саны 21-гә, янгыннар буенча – 6-га, инсульттан 12 тапкырга кимеде, дип хәбәр итә «Ашыгыч медицина ярдәме станциясе» Дәүләт автономияле сәламәтлек саклау учреждениесендә.

Шулай ук укыгыз

Барлык яңалыклар