Казан – Аэропорт – Казан маршрутында өстәмә электричкалар җибәрәчәкләр

Казан – Аэропорт – Казан маршрутында өстәмә электричкалар җибәрәчәкләр

<p> </p> <div class="detail-picture"> <img src="https://kzn.ru/upload/iblock/79d/79d0bebbf5451612d772852d40fb2547.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 19 нчы сентябрь). 20 сеннән 22 нче сентябрьгә кадәр Казан – Аэропорт – Казан маршрутында шәһәр яны поездлары йөриячәк. Бу «Казан-Экспо» халыкара күргәзмә үзәгендә Kazan Digital Week – 2023 халыкара форумын үткәрү белән бәйле. <p> </p> <p> Казан – Аэропорт юнәлешендә хәрәкәт итүче 6614 нче номерлы электричка 10:50 сәгатьтә китәчәк, 11:10 сәгатьтә килеп җитәр дип көтелә. Аэропорт – Казан юнәлешедәге 6613 нче состав 15:22 дә кузгалачак. 15:42 сәгатьтә килеп җитәр дип планлаштырыла. Арадаш тукталышлар каралмаган, дип хәбәр итә «Содружество» АҖ матбугат хезмәте. </p> <p> Шулай ук әлеге чорда  6701/6702, 6703/6704, 6705/6706, 6707/6708, 6709/6710, 6711/6712 номерлы шәһәр яны поездлары составын алты вагонга кадәр арттырачаклар. </p> <p> Исегезгә төшерәбез, узган ел Kazan Digital Week 65 илдән 18 меңнән артык кешене җыйган иде. Алар программага онлайн- һәм офлайн-форматларда кушылды. Тормышның барлык өлкәләрендә цифрлаштыруга багышланган 120 чара оештырылды. </p> <p> Бу юлы катнашучылар интеллектуаль транспорт системалары, яңа заман киберкуркынычсызлыгы, дәүләт идарәсендә, мәгарифтә, мәдәнияттә, медицинада, авыл хуҗалыгында цифрлы технологияләр һәм башка темалар буенча <a target="_blank" href="https://kzn.ru/meriya/press-tsentr/novosti/v-mvts-kazan-ekspo-na-sleduyushchey-nedele-proydet-mezhdunarodnyy-forum-kazan-digital-week/">фикер алышачак</a>. </p>

2023-09-19T12:48:24+0300