«Барысы да үзебезнеке» марафонында казанлылар контракт хезмәте һәм аның өстенлекләре турында беләчәк

Чара 17 нче октябрьдә «Ак Барс Арена»да узачак

Фото: Денис Гордийко

(Казан шәһәре KZN.RU, 16 нчы октябрь). Иртәгә Казан 12 сәгатьлек «Барысы да үзебезнеке» телемарафонына кушылачак. Туры эфирда спикерлар контракт хезмәте, аның өстенлекләре, түләүләре һәм социаль гарантияләре турында сөйләячәкләр.

Марафон махсус хәрби операциядә катнашучыларны, аларның гаилә әгъзаларын, хәрби комиссариатлардан контракт хезмәтенә чакыру пунктлары вәкилләрен, социаль хезмәтләр һәм хәйрия оешмалары хезмәткәрләрен берләштерәчәк.

«Тыңлаучылар алдында Башкарма комитет хезмәткәрләре һәм төрле структуралар вәкилләре чыгыш ясаячак, алар һәр геройның фронттагы вакытын мөмкин кадәр тыныч итәргә чакырылган зур, әмма бердәм механизмның бер өлеше булып тора», – дип билгеләп үтте аппарат киңәшмәсендә Социаль сәясәт идарәсе җитәкчесе Ирина Смирнова.

Марафон Казанда 10:00 дән 22:00 гә кадәр «Ак Барс Арена»да узачак. Трансляция «Вконтакте» социаль челтәрендә «Татарстан Республикасы» берләшмәсендә оештырылачак.

«Патриотик тәрбия мәсьәләсенең актуальлегенә беркемне дә ышандырырга кирәкми. «Барысы да үзебезнеке» марафоны кебек чаралар, 18 яшьтән өлкәнрәк кешеләргә мөрәҗәгать итсә дә, үз өлешен кертә. Контракт хезмәте турында сөйләшүләр, һичшиксез, проблеманың хәзер аеруча мөһим булуының сәбәпләренә кагыла. Балалар килеп чыккан янауларның чыганагын, шулай ук өлкәннәрнең аларны булдырмауда ничек катнашуын аңларга һәм булган хәлләргә аңлы рәвештә карарга тиеш. Бу караш бездән аерым игътибар таләп итә. Телемарафон халыкта зур кызыксыну уятыр, ә кемнедер контракт хезмәте турында карар кабул итәргә этәрер дип ышанам», – диде Башкарма комитет җитәкчесе Рөстәм Гафаров.

Фоторепортаж

Эшлекле дүшәмбе, 16.10.2023

Шулай ук укыгыз

Барлык яңалыклар